ખંભાત દરગાહની માહિતી :

સૈયદ પીર પીર અબુતાલેબ બાવા સાહેબની દરગાહ ખંભાત જી. આણંદ મુકામે નારેશ્વર તળાવ પાસે આવેલ છે.દરગાહમાં બાવાસાહેબની તુરબત છે જેની પૂર્વ બાજુએ હુસેનામાજી સાહેબ તથા પશ્ચિમ બાજુએ બીબી બેગમ સાહેબની તુરબત આવેલી છે.દરગાહમાં મુજાવરશ્રી દરરોજ સવારે ૪:૦૦ વાગે તથા સાંજે મગરીબ પહેલા બાવા સાહેબની સેવા કરી દરગાહ ખોલતા હોય છે. આ સમયે દરેક મુરીદો દિદાર માટે જતા હોય છે. દરગાહ ખુલવાના સમયે બાવા સાહેબની નોબતનો ડંકો દરરોજ નિયમિત થાય છે.દરગાહમાં બાવા સાહેબની ચિરાગ (અખંડ જ્યોત) ચોવીસ કલાક કરવામાં આવે છે. ગમે તેવા સંજોગોમાં તે ઠંડી ન થઈ જાય તેનું ખાસ ધ્યાન રાખવામાં આવે છે.બાવા સાહેબની દરગાહમાં બસાણું , ચાદર તેમજ તોળાઈ થતી હોય છે અને તેના માધ્યમ દ્વારા બાવા સાહેબના મુરીદો ઉપરાંત અન્ય સમાજના લોકો પોતાની આસ્થા રાખી માનતા રાખે છે. . ઘણા મુરીદો શ્રધ્ધા રાખી પગપાળા ચાલતા બાવા ને ત્યાં જઈ પોતાની માનતા પૂરી કરતા હોય છે.